BlackKnight
المساهمات : 101 تاريخ التسجيل : 07/08/2007
| موضوع: رجاء الدخول الأحد أغسطس 12, 2007 11:19 pm | |
| بسم الله الرحمن الرحيم
أنا هفتح الحوار ونتكلم فى مصيبة من مصايب الزمن شبابنا الجميل الطعم بجد بقى حاجة تزعل ع الأخر انا أحب أبدأ بالبنات عشان هما اللى لافتين أوى للنظر ، لو حد فينا خرج فى الشارع دلوقتى وفى أى دقيقة من اى ساعة من أى توقيت من اى يوم ، هتلاقى البنات ماشيين شبه عرايا ، والله حاجة تكسف وتزعل ، البنات دلوقتى الباديهات ضيقة جداً ، ده لو فى أساسا باديهات ، البناطيل مش عارف انا إيه المناظر دى ؟؟؟ يا ترى دول فاكرين انهم كده ممكن يتخطبوا ؟؟؟؟؟ أنا البنت اللى زى دى عمرى ما اخطبها ولا اءمنها على بيتى أساسا ، والله البنات دول بجد نازلين من بيتهم عشان يتعاكسوا ويدلعوا ويفرجوا الناس على مفاتنهم وعوراتهم ، أنا والله متغظ جدا بجد دول شياطين وساعات الواحد عينيه بتسرح مع واحده منهم غصب عنه بس كل اما اطنش واحده وما ابصلهاش الاقى واحده غيرها ، الشباب غلبان بجد والله يكون فى عون كل شاب . بس السؤال اللى عايز أطرحه ...... هو البنات دى ليها بابا وماما واخوها وكده ؟؟ يعنى البنت اللى بتعمل الحاجات دى وبتلبس الهدوم دى ... أبوها بيشوفها ؟ وأخوها شايفها وهى نازله ؟ وأمها سايباها ؟؟ دى تبقى مصيبة ويبقى غحنا هنرجع لعصر الجاهلية بقى زى زمان كل شىء مباح !!!!
أما بقى الشباب الروش اللى مش بسامح نفسى لمل بقول عليهم رجالة .... أنا مش عارف إيه اللى حصل لهم ؟؟؟ اللى موقف شعره زى اللى متكهرب واللى لابس تى شيرت بترتر ولونه موف وروز طيب ما يلبس جيبة وبادى بقى وطرحه كمان !!!!! وياجمالهم الشباب اللذيذ اللى بيلبس بنطلون ويسقط البنطلون لغاية ركبته دول كوم والشباب اللى ماشى يضحك ع البنات ويمشى مع دى ويكلم دى وهو عارف إنه مش هيخطبها ومش هيكمل معاها ، عشان أساسا هو عارف إنها مش كويسة ، بس بيقضى وقت وبعدين يطنشها ، أو يعمل اى مشكلة معاها عشان يسيبها . وأخر حاجة عن الشباب الأمور ، الشباب دلوقتى اهم حاجة يركب عربية ويشيل موبيل نظيف ، ومفيش فى جيبه مليم ولا بيشتغل ولا بيدور على شغل ومش كده وبس ده ماشى مع واحده بيحبها وبيصرف عليها ويجيبلها هدايا ، طيب منين؟؟ من عرق أبوك يا طفل يا عيل ؟؟ طيب لما تبقى بتشتغل ابقى إعمل اللى انت عايزه !!
إلى كل شاب وكل فتاه خليك شيك وروش وزى الفل بس حافظ على رجولتك وإنتى يا بنتى حافظى على سمعتك وعلى مفاتنك ، والله لو كل بنت تحافظ على نفسها هتتخطب وهتتلم .
ربنا يهدى كل شباب وبنات المسلمين | |
|